Prevensaun Covid-19 ne’ebe fo sai husi Rádio komunidade,ho lian local fo duni benefisiu ba komunidade sira.
Lia hirak ne’e hato’o husi Sra Leocadia de araujo, nudar komunidade iha Aldeia Fatulela, Suku Maquili, Postu administrative ataúro, wanhira hala’o intervista ho Jornalista RKLM iha segunda feira semana ne’e.
Nia mos hatutan Avizu ne’ebe fo sai husi Rádio Komunidade ne’e,fo duni benefisiu ba inan-aman sira ne’ebe mak iha area rural.
Tamba inan-aman barak iha foho mak sedauk komprende didiak lian tetum, tamba lian tetum dala ruma ho lian ne’ebe mak as liu, sira rasik labele komprende.
Ho lian local ne’ebe mak fo sai iha Rádio, bele tulun komunidade sira oinsa atu prevene ita nia an husi moras Covid-19 nune’e labele daet ba ita.