Header

Lideransa suku hamutuk ho Komunidade sira nia esforsu tomak hodi hari Ensinu Secundária ida iha Biqueli.

Eskola Sekundária geral  komunidade Fini Esperansan Biqueli Anan”hari’I  ho nia objetivu atu ema hotu bele asesu iha prosesu aprendizagem ne’ebe besik liu ba komunidade sira.

ho rajaun tamba Eskola sekundária geral “99” ne’ebe durante estudante sira husi suku Biqueli asesu ne’e ho nia distansia ne’ebé do’ok liu no fo mos impaktu ba estudante sira labele eskola to’o remata ikus mai tenki isin rua sedu.

Lia hirak ne’e hato’o husi  sekretari Fini esperansa Jose soares wainhira joranalista RKLM hakat ba suku Biqueli hodi rona direta informasaun husi Eskola refere.

Nia mos sublinha durante inisiu buka dalan halo negosiasaun ho Eskola sekundária’99’hodi loke turma ida iha suku Biqueli maibe tuir inforansaun ne’ebé mak ita rona katak lei la fo dalan atu loke tan eskola  iha fatin seluk.

Nune’é komunidade hamutuk Konsellu suku Biqueli  inisiativa loke tan eskola Ida ho obletivu atu hamenus difikuldade ne’bé durante suku biqueli hasoru.

 Eskola ne’ebé hari ho naran Eskola Sekundária geral  komunidade Fini Esperansan Biqueli Anan”  ne’ebé hamahan an iha Ensinu Sekundaria geral Eskola Nikolau Lobatu Dili.

Nia salienta liu tan katak sira halo ko’operasaun diak ho eskola refere nune’e Eskola rua hanesan “Eskola Sekundária geral  komunidade Fini Esperansan Biqueli Anan” ho Ensinu Sekundaria geral Eskola Nikolau Lobatu Dili assina kedas akta hodi hahu halo prosesu Aprendizagem.

Komunidade mos oferese  ona rai ho nia naruk  100km,no luan 50km iha tempo badak konstruksaun bele la’o ona iha eskola refere tamba dadaun ne’e sira sedauk eskola permanente hodi bele hanorin estudante sira.

Total estudante ne’e bé mak asesu iha eskola refere hamutuk walunulu resin hitu (87) professores hamutuk sanulu resin walu (18 ) no professor sira kuase Finalista husi UNTL.DIT no intitusaun seluk tan entretantu professor hirak ne’e lisensensiadu iha Area Eduksaun hotu.

Repatajem                          : Luis soares

Editor                                    : Angel Pacheco.

Atualiza nafatin notisias ou informasaun foun husi ami

Logo_Footer

Radio Komunidade Lian Manu Koko Ataúro, nudar organizasaun media (radio) komunidade ne'ebe ezisti iha Sub-distritu Ataúro, Munisipiu Dili. Radio Komunidade Lian Manu Koko Ataúro transmitidu liu frekuensia FM 99,0 MHZ.